Ինչպես հաղորդում է Zinvor.info-ն, այս մասին, հոկտեմբերի 9 -ին՝ Խոջավենդի շրջանի հասարակայնության ներկայացուցիչների հետ հանդիպման ժամանակ մասնավորապես ասել է՝ Ադրբեջանի նախագահ Իլհամ Ալիևը:

«Ադրբեջանի հասարակությունը քաջատեղյակ է, որ հայկական մամուլը պարունակում էր բազմաթիվ կեղծ տեղեկություններ ՝ կապված Հադրութի գործողության հետ: Հադրութը շրջապատող բոլոր լեռները զավթիչներից մաքրելուց հետո պարզ դարձավ, որ գյուղի գրավումը պարզապես որոշակի ժամանակ էր պահանջում: Մենք փորձեցինք փոքր կորուստներով վերցնել ավանը և հասանք դրան: Իսկ Հայաստանի ղեկավարությունը և նրա արտաքին գործերի նախարարությունը հայտարարեցին, որ Հադրութը հայերի ձեռքում է: Իբր, նրանք հերթական անգամ ձեռնարկել են մարտավարական նահանջ և այժմ վերադարձել են Հադրութ՝ այնտեղից վտարելով ադրբեջանցի զինվորներին: Տեսնելով բոլոր այս ստերը՝ ես ուղղակի զարմացա, քանի որ ակնհայտ էր, որ Հադրութն արդեն մեր վերահսկողության տակ էր: Ես հրաման տվեցի բարձրացնել Ադրբեջանի դրոշը Հադրութում՝ վերջ տալու հայկական ստերին: Միայն նրանից հետո, երբ ադրբեջանցի զինվորներն ու սպաները բարձրացրեցին մեր պետական դրոշը Հադրութում և զեկուցեցին ինձ, հայկական պաշտոնական քարոզչությունը ճանաչեց, որ Հադրութը գտնվում է ադրբեջանական բանակի վերահսկողության տակ:

Սա ևս մեկ անգամ ցույց է տալիս, որ օկուպացիայի, պատերազմի և հետպատերազմյան ժամանակաշրջանում հայկական քարոզչությունը հիմնված էր ստի վրա: Նրանց պատմությունը, անցյալը, պետականությունը և դիցաբանությունը նույնպես կեղծ են: Պարզապես աշխարհի հայությունը այնպիսի կեղծ կարծիք է ստեղծել իրենց բնակության երկրներում, որ իբր Հայաստանի բնակչությունը դարեր շարունակ ապրել է այստեղ: Հայերը Իրանից Հադրութ են վերաբնակեցվել 19 -րդ դարում: Բոլորը դա գիտեն: Մինչ այդ ժամանակ, հայերն այստեղ չեն ապրել: Նրանք կեղծել են պատմությունը, իսկ այսօր կեղծում են ներկայիս իրողությունները: Քանի՞ սուտ ենք լսել պատերազմի ժամանակ Հայաստանի պաշտոնական մարմիններից: Նրանց Պաշտպանության նախարարությունից - նրանք, հավանաբար, պետք է այն վերանվանեն Ստի նախարարություն - այնքան կեղծ, անհեթեթ տեղեկատվություն է ստացվել, որ և՛ մենք, և՛ միջազգային փորձագետները պարզապես ապշել էինք: Հադրութի հետ կապված այս սուտը հասավ գագաթնակետին, որովհետև Հադրութի ազատագրումը բարոյահոգեբանական ուժեղ ցնցում առաջացրեց Հայաստանում», - ասել է պետության ղեկավարը: