Ադրբեջանի նախագահը 61 տարեկան է

Ադրբեջանի նախագահը 61 տարեկան է

09:00 24 12 2022

Այսօր Ադրբեջանի նախագահ Իլհամ Ալիևի ծննդյան օրն է:

Ինչպես տեղեկացնում է Zinvor.info-ն, այսօր լրանում է երկրի ղեկավարի 61-ամյակը:

Իլհամ Ալիևը ծնվել է 1961 թվականի դեկտեմբերի 24-ին՝ Բաքվում:
1977 թ. ավարտել է միջնակարգ դպրոցը և նույն տարում ընդունվել Մոսկվայի Միջազգային հարաբերությունների պետական ինստիտուտ: 1982 թ. ավարտելով Մոսկվայի ՄՀՊԻ-ն՝ ընդունվել է նույն ինստիտուտի ասպիրանտուրան և 1985 թ. պաշտպանել է թեկնածուական ատենախոսություն՝ ստանալով պատմական գիտությունների թեկնածուի գիտական աստիճան: 1985-1990 թթ. Ի. Ալիևը դասավանդել է Մոսկվայի ՄՀՊԻ-ում: 1994 թվականից մինչև 2003 թվականի օգոստոսը նա զբաղեցրել է նախ SOCAR-ի փոխնախագահի, այնուհետև առաջին փոխնախագահի պաշտոնը:

1995-2000 թթ. Իլհամ Ալիևն ընտրվել է Միլլի Մեջլիսի անդամ: 2001-2003 թ. գլխավորել է ԵԽԽՎ-ում ադրբեջանական պատվիրակությունը:

2003 թ. Իլհամ Ալիևը նշանակվել է Ադրբեջանի վարչապետ: Իսկ նույն տարվա հոկտեմբերի 15-ին ընտրվել է Ադրբեջանի նախագահ և հոկտեմբերի 31-ին պաշտոնապես ստանձնել իր պարտականությունները:

Գերազանց տիրապետում է ադրբեջաներեն, ռուսերեն, անգլերեն, ֆրանսերեն և թուրքերեն լեզուներին:

Zinvor.info

Հեշթեգներ. Ադրբեջան Նախագահ

Նման լուրեր