Zinvor.info-յի փոխանցմամբ՝ այս մասին հայտնում է Ադրբեջանի Պաշտպանության նախարարությունը։

Տեղեկատվության մեջ նշվում է, որ Ադրբեջանի Հանրապետության Ղարաբաղի տնտեսական շրջանի բնակավայրերի ցուցակը և քարտեզը՝ ադրբեջանական տեղանուններին համապատասխանող անվանումներով, Ադրբեջանի կողմից պաշտոնապես ուղարկվել է ՌԴ պաշտպանության նախարարություն, Ադրբեջանի տարածքում ժամանակավորապես տեղակայված ՌԴ խաղաղապահ զորախմբի նախկին և ներկայիս հրամանատարություն, ինչպես նաև Համատեղ թուրքական-ռուսական մոնիտորինգի կենտրոն, բացի այդ, բազմաթիվ դիմումներում արտահայտվել է՝ հաղորդագրություններում հատկապես այդ անվանումների օգտագործելու անհրաժեշտությունը։

Չնայած դրան, ցավոք, ՌԴ ՊՆ պաշտոնական կայքում հրապարակված ՌԴ խաղաղապահ զորախմբի պաշտոնական հաղորդագրություններում մեր բնակավայրերի անվանումները նշվում են հայկական հորինված տեղանուններով։

Այսպես, Ռուսաստանի Դաշնության խաղաղապահ զորախմբի 2022 թվականի նոյեմբերի 24-ի պաշտոնական տեղեկատվությունում նշվում է իբր Ադրբեջանի կողմից Մաղավուզ բնակավայրի ուղղությամբ հրադադարի ենթադրյալ խախտման մասին։

Ռուսական կողմի ուշադրությանն ենք ներկայացնում, որ նշված ադրբեջանական բնակավայրի պաշտոնական անվանումը, որը նրանք անվանում են Մաղավուզ, ՉԱՐԴԱԽԼԸ է։ Ադրբեջանական բանակի ստորաբաժանումները չեն խախտել հրադադարը և ոչ մի կրակոց չեն արձակել նշված ուղղությամբ։

Միաժամանակ հայտարարում ենք, որ հայկական անօրինական զինված խմբավորումների կողմից հրադադարի ռեժիմի խախտման և այլ իրադարձությունների մասին ռուսական կողմին տրամադրված տեղեկատվությունը, չգիտես ինչու, վերջերս չի արտացոլվել ռուսական խաղաղապահ զորախմբի պաշտոնական հաղորդագրություններում։

Ադրբեջանի պաշտպանության նախարարության հրավերով նոյեմբերի 23-ին՝ Ադրբեջանի տարածքում ժամանակավոր տեղակայված ռուսական խաղաղապահ զորախմբի հրամանատարը և թուրք-ռուսական մոնիտորինգի միացյալ կենտրոնի ղեկավարությունը ստուգել են ականապատ դաշտը, որը հայտնաբերվել է ադրբեջանական բանակի ինժեներական և սակրավորական ստորաբաժանումների կողմից՝ Սարըբաբա բարձունքի հյուսիսային ուղղությամբ, որտեղ հայկական ապօրինի զինված կազմավորումների կողմից տեղադրվել էին հայկական արտադրության PMN-E հակահետևակային ականներ։

Ստուգման ընթացքում նշվել է, որ մեր ստորաբաժանումները հայտնաբերել և վնասազերծել են 2021 թվականին Հայաստանում արտադրված PMN-E մակնիշի 350 հակահետևակային ական։ Ցավոք, ռուսական խաղաղապահ զորախումբն այս մասին պաշտոնական տեղեկատվություն չի տրամադրել։

Կոչ ենք անում ԱՀ տարածքում ժամանակավորապես տեղակայված ռուսական խաղաղապահ զորախմբի հրամանատարությանը՝ ճիշտ նշել մեր երկրի տարածքում բնակավայրերի անվանումները իրենց համապատասխան ուղերձներում և լրջորեն ել հայկական անօրինական զորամիավորումների բոլոր սադրիչ գործողությունները, այդ թվում՝ տարածքների ականապատումը: