Բայրամովն ընդունել է ՌԴ փոխարտգործնախարարին. կողմերը քննարկել են Բաքվի և Մոսկվայի միջև համագործակցությունը
|
|
|
|
Ադրբեջանի արտգործնախարար Ջեյհուն Բայրամովն ապրիլի 14-ին ընդունել է Ռուսաստանի փոխարտգործնախարար Միխայիլ Գալուզինին, հաղորդում է Ադրբեջանի ԱԳՆ մամուլի ծառայությունը։
|
Մամուլի ծառայության տվյալներով՝ հանդիպման ժամանակ քննարկվել են ադրբեջանա-ռուսական հարաբերությունների քաղաքական, տնտեսական, առևտրային և հումանիտար ասպեկտները, ինչպես նաև փոխադարձ հետաքրքրություն ներկայացնող տարածաշրջանային և միջազգային անվտանգության հարցերը։
«Շեշտադրվել է փոխադարձ այցելությունների և շփումների կարևորությունը համագործակցության օրակարգի հարցերի քննարկման գործում։
Կողմերը նշել են, որ Ադրբեջանի Հանրապետության և Ռուսաստանի Դաշնության միջև տնտեսական համագործակցության միջկառավարական պետական հանձնաժողովի գործունեությունը նշանակալի դեր է խաղում երկկողմ տնտեսական կապերի զարգացման գործում և այս մեխանիզմի շրջանակներում քննարկումներ են անցկացրել կատարված աշխատանքների և հեռանկարային ոլորտների վերաբերյալ։
Հանդիպման ընթացքում մտքերի փոխանակում է տեղի ունեցել նաև փոխադարձ հետաքրքրություն ներկայացնող այլ հարցերի շուրջ, ինչպես նաև քննարկվել են հետագա համագործակցության հեռանկարները»,- ասվում է հաղորդագրության մեջ։
Հեշթեգներ.
Ադրբեջան
Ռուսաստան