Zinvor.info-յի փոխանցմամբ՝ այս մասին Ջաբրայիլի, Գուբադլիի և Զանգիլանի շրջաններում Ադրբեջանի Նախագահի հատուկ ներկայացուցիչ Վահիդ Հաջիևն ասել է Բաքվում ընթացող Համաշխարհային քաղաքաշինական ֆորումի 13-րդ նստաշրջանի (WUF13) շրջանակներում անցկացվող «Ուրբիցիդից դեպի վերածնունդ. կայուն վերակառուցում, վերաբնակեցում և զարգացում Ադրբեջանի ազատագրված տարածքներում» թեմայով միջոցառման ժամանակ։

Նրա խոսքով՝ այդ արդյունաբերական պարկերը տարածաշրջանի համար վերածվում են կարևոր լոգիստիկ, արդյունաբերական և առևտրային կենտրոնների.

«Դրանք ստեղծում են նոր աշխատատեղեր և աջակցում երկարաժամկետ տնտեսական աճին։ Դրա հետ մեկտեղ, տարածաշրջանում արագորեն զարգացող հիմնական ոլորտներից մեկը կանաչ էներգետիկան է։ Ինչպես գիտեք, Նախագահ Իլհամ Ալիևի կողմից այս տարածքը հայտարարվել է „կանաչ գոտի“, և մենք այս ուղղությամբ օգտագործում ենք բոլոր հնարավոր միջոցները»։

Հատուկ ներկայացուցիչը նշել է, որ ներկայումս արտասահմանյան ընկերություններից մեկը ներդրումներ է կատարում Ջաբրայիլում 240 մեգավատ հզորությամբ արևային էլեկտրակայանի կառուցման գործում։

«Եվս երկու ընկերություններ իրականացնում են ընդհանուր առմամբ մոտավորապես 100 մեգավատ հզորությամբ նախագծեր։ Այսպիսով, տարածաշրջանում ձևավորվում է էներգիայի արտադրության մեծ ծավալ, և այդ էներգիան լիովին բավարար է ամբողջ Ղարաբաղի ապահովման համար, իսկ մնացած մասը կարող է արտահանվել»։