Zinvor.info-ի փոխանցմամբ՝ նախագահ Իլհամ Ալիեւը այս տեսակետները հնչեցրել է իտալական «Rai-1» հեռուստաալիքին տված հարցազրույցում:

«Մենք տեսնում ենք, թե ինչի է դա հանգեցնում: 28 տարվա ընթածքում ոչ մի առաջընթաց չի գրանցվել, արդյունքներ չեն եղել, միայն խոստումներ են եղել, միայն բյուրոկրատական ընթացակարգեր են, և այսօր մեզ թվում է, որ, ըստ էության, համանախագահների գործունեությունը ոչ թե ուղղված էր հակամարտության կարգավորմանը, այլ սառեցմանը: Ինչ վերաբերում է Իտալիայում գոյություն ունեցող մոդելին, մենք այն ուսումնասիրել ենք: Մենք ուսումնասիրել ենք նաև Ալանդյան կղզիների մոդելը և ինքնավար հաստատությունների այլ հաջողված փորձեր: Ի տարբերություն Հայաստանի, Ադրբեջանը բազմազգ պետություն է: Ինչպես հավանաբար գիտեք, Հայաստանում բնակչության 99% -ը հայեր են: Հետեւաբար, ինքնակառավարման այս շատ դրական պրակտիկան կարող է կիրառվել նաև մեր դեպքում », - ասաց պետության ղեկավարը:

Հիշեցնելով, որ նման առաջարկներ գոյություն ունեին 1990-ականների կեսերին, և նույնիսկ հասարակական կազմակերպությունների ներկայացուցիչների և քաղաքագետների խմբեր էին այցելում Իտալիա և Ալանդյան կղզիներ, Նախագահն ասաց. «Սակայն Հայաստանը դա միշտ կտրականապես հերքել է: Նրանք հավատում էին, որ կարող են ընդմիշտ գրավել մեր տարածքները ՝ ապավինելով աշխարհի առաջատար երկրների ռազմական, քաղաքական և տնտեսական աջակցությանը, բայց կոպիտ սխալվեցին: Այսօր մենք մեզ ապացուցում ենք հենց մարտի դաշտում: Մենք իրականացնում ենք ՄԱԿ-ի Անվտանգության խորհրդի բանաձեւերը և վերականգնում միջազգային իրավունքը»: