Ինչպես հաղորդում է Zinvor.info-ն, 2020 թ. հուլիսի 12-ի կեսօրից սկսած` Հայաստանի զինված ուժերի ստորաբաժանումները կոպտորեն խախտելով հրադադարի ռեժիմը, դիմել են հերթական զինված սադրանքի՝ լարվածությունը բարձրացնելու, հայ-ադրբեջան պետական սահմանի Թովուզի ուղղությամբ դիրքեր գրավելու նպատակով, խոշոր տրամաչափի գնդացիրներից, նռնականետներից, դիպուկահար հրացաններից, ականանետերից և այլ հրետանային կայանքներից կրակի են ենթարկել ադրբեջանական դիրքերը:

Մի քանի օր տևած մարտերի ընթացքում կանխվել է հարձակման փորձը և ջախջախիչ հարված է հասցվել հակառակորդին:

Ադրբեջանական բանակի պատասխան գործողությունների արդյունքում հակառակորդը, մեծ կորուստներ կրելով, ստիպված է եղել նահանջել: Ադրբեջանական բանակը ոչնչացրել է մինչև 100 միավոր կենդանի ուժ, մեծ թվով ռազմական տեխնիկա և հակառակորդի կարևոր թիրախներ:

Ադրբեջանական բանակը նույնպես կորուստներ է ունեցել:

Հակառակորդի հետ մարտերում հերոսաբար զոհվել են՝ գեներալ-մայոր Փոլադ Հաշիմովը, գնդապետ Իլգար Միրզոևը, մայոր Նամիգ Ահմեդովը, մայոր Անար Նովրուզովը, ավագ լեյտենանտ Ռաշադ Մահմուդովը, ենթասպա Իլգար Զեյնալլըն, ենթասպա Յաշար Բաբաևը, գերժամկետային զինծառայողներ, զինծառայող Էլչին Մուստաֆաևը, սերժանտ Վուգար Սադիգովը, շարքայիններ Նազիմ Իսմայիլովը, Էլշադ Մամեդովը և Խայամ Դադաշովը:

Աղդամ գյուղի տներից մեկի վրա արձակված արկի պայթյունի արդյունքում զոհվել է խաղաղ բնակիչ, 76-ամյա Ազիզ Ալիևը: Բացի այդ, Թովուզի շրջանի Հայաստանին սահմանակից մի քանի գյուղերի հրետակոծության արդյունքում լուրջ վնաս է հասցվել տներին, վարչական շենքերին, քաղաքացիական օբյեկտներին և դպրոցներին:

Zinvor.info