Ինչպես հաղորդում է Zinvor.info-ն, այս մասին հայկական ԶԼՄ-ների հետ զրույցում հայտարարել է իրանցի վերլուծաբան Քայհան Բարզեգարը։

Նրա խոսքով, անշուշտ բացառություն չէ նաև ապրիլի 5-ին սպասվող եռակողմ հանդիպումը, որը հանդիպման ձևաչափի առանձնահատկություններից ելնելով գրավել է փորձագետների մեծ ուշադրությունը։

Սակայն, վերլուծաբանը կարծում է, որ Հայաստանի և Արևմուտքի մտերմությունը որոշակի սառնություն և փոխըմբռնման բացակայություն է մտցրել հարաբերություններում, քանի որ Իրանն ու Հայաստանը բոլորովին այլ տեսակետներ ունեն՝ Հարավային Կովկասում արևմտյան քաղաքականության և այլուր արևմտյան քաղաքականության վերաբերյալ։

«Արտաքին քաղաքականության նման արմատական տարբերությունը չի կարող աննկատ մնալ, հատկապես այս օրերին, սակայն Հարավային Կովկասը և Մերձավոր Արևելքը ամենաբարդ տարածաշրջաններից են, որտեղ կարևոր են նաև բազմաթիվ այլ հանգամանքներ, ինչպես նաև բավականին ուժեղ տարածաշրջանային համագործակցություն, որն ամրապնդվել են վերջին երկու տարվա ընթացքում։ Ուստի դժվար է ասել, թե ինչպիսին կլինի այս համագործակցությունը ևս երկու տարի հետո, դրա համար էլ պետք չէ շտապել։ Հայաստանը, ԵՄ-ն և ԱՄՆ-ը դեռ քննարկում են հարաբերությունները, և դժվար է ասել, թե քաղաքական պարտավորություններն ու առկա խնդիրները ուր կտանեն կողմերին»,- ասել է Քայհան Բարզեգարը։

Zinvor.info