Իլհամ Ալիևը՝ Խանքենդիում: Նրանց, ովքեր ասում էին, թե «Ղարաբաղը Հայաստան է և վերջ», մենք ապացուցեցինք, որ Ղարաբաղն Ադրբեջան է

15:44 21 12 2023

Չորս տարի առաջ այս մարզադաշտում ոմանք ասում էին. «Ղարաբաղը Հայաստան է և վերջ»։ Մենք նրանց ապացուցեցինք, որ Ղարաբաղն Ադրբեջան է։

Zinvor.info-յի փոխանցմամբ՝ դեկտեմբերի 21-ին այս մասին ասել է նախագահ Իլհամ Ալիևը Խանքենդիի մարզադաշտում Ադրբեջանի ֆուտբոլի գավաթի խաղարկության 1/8 եզրափակչի Աղդամի «Ղարաբաղ» և Բաքվի ԲԿՄԱ խաղից առաջ ունեցած ելույթի ժամանակ։

Ընդգծելով, որ օկուպացված հողերի մեծ մասն ազատագրվել է երեք տարի առաջ՝ Ղարաբաղյան Երկրորդ պատերազմի արդյունքում, պետության ղեկավարը նշել է. «Ադրբեջանի դրոշը բարձրացվեց Շուշա քաղաքում, որը Ղարաբաղի թագն է։ Երեք ամիս առաջ՝ սեպտեմբերի 19-20-ը, օկուպանտներից ազատագրվեցին Խանքենդի քաղաքը, Խոջալուի, Ասկերանի, Խոջավենդի, Աղդերեյի շրջանները։ Հոկտեմբերի 15-ին այս բոլոր քաղաքներում ես բարձրացրել եմ Ադրբեջանի դրոշը։ Նոյեմբերի 8-ին Խանքենդիի կենտրոնական հրապարակում անցկացվեց Հաղթանակի շքերթը։ Իսկ այսօր մենք միասին նշում ենք այս հրաշալի սպորտային տոնը։ Այսուհետ այս հողերի վրա հավերժ կծածանվի Ադրբեջանի դրոշը։ Մենք՝ ադրբեջանցիներս, հավերժ կապրենք այստեղ»։

Zinvor.info

Հեշթեգներ. Իլհամ-Ալիև Խանքենդի

Նման լուրեր