Ինչպես տեղեկացնում է Zinvor.info-ն, այս մասին հայտարարել է նախագահ Իլհամ Ալիևը՝ հունվարի 6-ին տեսակապի ձևաչափով անցկացված խորհրդակցության ժամանակ, որը նվիրված էր 2020 թվականի արդյունքներին:

Նշելով, որ նոյեմբերի 10-ին ստորագրված հայտարարությունը հիմք է հետագա գործունեության համար, պետության ղեկավարն ասաց. «Միևնույն ժամանակ, մենք թույլ ենք տվել, որ Հայաստանի քաղաքացիներն օգտագործեն մեր տարածքով անցնող ճանապարհը և ազատագրված հողերը: Նրանք պետք է գնահատեն դա, թե ոչ: Սա մեր հողն է: Մենք հասկանում ենք, որ ճանապարհն այնտեղով է անցել: Խորհրդային տարիներին սահմաններն այդքան կարևոր չէին, այնտեղ ապրող հայ բնակչությունը, հավանաբար, չգիտեր, որ դա Ադրբեջանի տարածք է: Որովհետեւ ո՞վ կարող էր նրանց ասել, որ դա Ադրբեջանի տարածք է: Նրանք համարեցին, որ դա Հայաստանի տարածքն է: Հիմա իմանալով, որ դա Ադրբեջանի տարածք է, և ադրբեջանցի սահմանապահները եկել ու հաստատվել են այնտեղ, իհարկե, սթրեսի մեջ էին»:

Նախագահը նշել է, որ, ի տարբերություն Հայաստանի, Ադրբեջանը միշտ ցուցադրել է հումանիզմ: «Ես հանձնարարել եմ, որ ոչ մի մարդու քիթը չպետք է արյունահոսի: Բացատրեք նրանց, որ սա մեր տեղն է, մեր հողերը և թողեք գնան նրանց: Մենք նրանց ժամանակ տվեցինք: Հայկական կողմը խնդրեց մեզ տալ այն մինչեւ հունվարի 2-ը: Մենք նույնպես ժամանակ տվեցինք: Մենք կարող էինք ժամանակ չտալ: Ես կարող էի այնտեղ զորախոմբ ուղարկել ու տեսնել, թե որ օրն են ընկնելու: Մենք դա արե՞լ ենք: Ո՛չ: Բայց նրանք կանեին: Երբ նրանք գրավեցին Քելբաջարը, նրանք մեզ ժամանակ չտվեցին: Մեր քաղաքացիները ոտաբոբիկ անցան Մուրովի լեռնանցքն ու Օմարի լեռնանցքը: Նրանցից շատերը ճանապարհի վրա ցրտից ցրտահարվեցին ու մահացան », - ասաց Ադրբեջանի նախագահը: