Այս մասին հայտարարել է Նախագահ Իլհամ Ալիևը ` ժողովրդին ուղղված իր խոսքում, խոսելով եռակողմ հայտարարության որոշ մանրամասների մասին, տեղեկացնում է Zinvor.info-ն:

«Հայտարարության նախնական տարբերակը ենթադրում էր, որ Լաչինի միջանցքի լայնությունը պետք է լինի 30 կիլոմետր: Ես կտրականապես դեմ էի դրան և ասացի, որ հայկական կողմի այս պնդումը բոլորովին անհիմն է: Միջանցքի անվտանգության միջոցառումներն ապահովելու համար նման լայն միջանցքի կարիք չկա: Ուստի ես դա համարեցի միանգամայն անընդունելի առաջարկ և արտահայտեցի իմ կարծիքը: Հետո երկրորդ տարբերակում Լաչինի միջանցքի լայնությունը 10 կիլոմետր էր: Ես դրան էլ համաձայն չէի, և արդյունքում համաձայնություն ձեռք բերվեց 5 կիլոմետր լայնությամբ միջանցքի շուրջ: Հինգ կիլոմետրը բավական հեռավորություն է մեզ համար, Լեռնային Ղարաբաղում ապրող հայերի և անվտանգության համար», - ասաց պետության ղեկավարը:

Նախագահը նշել է, որ Լաչինի շրջանը Ադրբեջանին վերադարձնելը, հատկապես Լաչինի միջանցքի հարցը, գրեթե 30 տարի շարունակվող բանակցություններում միշտ քննարկվել է որպես շատ կարևոր և առանձին թեմա: Հայկական կողմն, ընդհանուր առմամբ, կարծում էր, որ Լաչինի ամբողջ շրջանը պետք է իրենց տրվի որպես միջանցք: Արեւմտյան որոշ շրջանակներ սատարում էին այս դիրքորոշումը: Արդյունքում, Լաչինի շրջանում իրականացվեց բնակեցման շատ լուրջ քաղաքականություն: Հազարավոր մարդիկ, ըստ որոշ գնահատականների, ապրում էին այնտեղ, միգուցե մոտ 10 000 մարդ: Միշտ կարծիք կար, որ Լաչինի շրջանը ինչ-որ ձևով պետք է մնա Հայաստանին: