Ինչպես Zinvor.info-յին հայտնել են օմբուդսմենի մամուլի ծառայությունից, հայտարարության մեջ ասվում է.

«Ադրբեջանի Հանրապետության նախագահ, զինված ուժերի Գերագույն գլխավոր հրամանատար Իլհամ Ալիևի ղեկավարությամբ և ժողովրդի անսասան համերաշխությամբ մեր քաջարի բանակը ընդամենը 44 օրում ազատագրեց մեր տարածքները օկուպացիայից՝ դրանով հասնելով պատմական հաջողության և մեր ժողովրդին պարգևելով Հաղթանակի ուրախությունը։

2025 թվականի օգոստոսին, Հարավային Կովկասում կայուն խաղաղություն ապահովելու նպատակով, Վաշինգտոնում ԱՄՆ նախագահի մասնակցությամբ Ադրբեջանի և Հայաստանի ղեկավարների հանդիպման ժամանակ նախաստորագրվեց՝ «Ադրբեջանի Հանրապետության և Հայաստանի Հանրապետության միջև խաղաղության և միջպետական հարաբերությունների հաստատման մասին համաձայնագիրը», որը ամուր հիմք դրեց՝ տարածաշրջանում ապրող ժողովուրդների խաղաղ և բարգավաճ կյանքի համար՝ փոխադարձ հարգանքի և միմյանց ներքին գործերին չմիջամտելու հիման վրա։

Չնայած բոլոր դրական զարգացումներին, դեռևս անհրաժեշտ է լուծել մի շարք կարևոր խնդիրներ, ինչպիսիք են անհետ կորած անձանց ճակատագրի պարզաբանումը, նախկին հարկադիր վերաբնակների անվտանգ և արժանապատիվ վերադարձի լիարժեք ապահովումը մեր ազատագրված տարածքներ, ինչպես նաև ականազերծման գործընթացը արագացնելու համար՝ ականապատ դաշտերի ճշգրիտ քարտեզների տրամադրումը։