Այս մասին, Ադրբեջանի Հանրապետության նախագահի հատուկ հանձնարարությունների գծով ներկայացուցիչ Էլչին Ամիրբեկովը հայտարարել է՝ բրազիլական «Correio Braziliense» թերթին տված հարցազրույցում։

«COP29-ը հանդիսանում է կարևորագույն իրադարձություն, երբ խոսքը վերաբերում է ամբողջ աշխարհի առջև դրված խոշորագույն մարտահրավերներից մեկին՝ կլիմայի փոփոխությանը և բոլոր այս հետևանքներին, որոնց հետ բախվում են բոլոր երկրները: Քանի որ մեր երկիրը հայտնի է որպես բնական գազի և նավթի որոնման վրա հիմնված տնտեսությամբ ածխաջրածնային երկիր՝ մենք մի քանի տարիների ընթացքում գիտակցել ենք, որ պետք է ապահովենք անցումը կանաչ և վերականգնվող էներգիային, ինչը հանդիսանում է մեր կառավարության ռազմավարական նպատակներից մեկը»,- ասել է նա։

Է. Ամիրբեկովը նշել է նաև, որ Ադրբեջանը ձգտում է ամրապնդել առևտրային կապերը Բրազիլիայի հետ։

«Բրազիլիան կարող է, օրինակ, ավելացնել Ադրբեջանից ներկրումը պարարտանյութերի ոլորտում, ինչը շատ կարևոր է մեր տնտեսության համար։ Մենք նաև շատ լավ կապեր ունենք ավիացիոն ոլորտում, քանի որ շատ ինքնաթիռներ ենք գնում։ Մենք նաև ուզում ենք, որպեսզի զբոսաշրջիկների թիվը ավելանա, քանի որ իր երկիրը ներկայացնելու լավագույն միջոցը՝ ուղիղ չվերթն է, և սա հենց այն է, ինչի վրա մենք պետք է աշխատենք, որպեսզի ճանապարհին կանգառները որքան հնարավոր է կարճ լինեն»,- նշել է նախագահի ներկայացուցիչը։

Է. Ամիրբեկովն անդրադարձել է՝ Ադրբեջանի և Հայաստանի հարաբերություններում հետագա քայլերի հարցին։

«Կարծում եմ, որ հաջորդ քայլերը պարզ են, քանի որ մենք հիմա գտնվում ենք խաղաղ պայմանագրի տեքստի շուրջ բանակցությունների գործընթացի մեջ, որը մշակվել է Ադրբեջանի կողմից և Հայաստանին է ներկայացվել մեկուկես տարի առաջ։ Այդ տեքստի վրա կարևոր աշխատանքը արդեն կատարվել է, բայց մեզ մոտ դեռ մնացել են որոշ հարցեր, որոնք անհրաժեշտ է լուծել։ Մենք հավատում ենք, որ առաջիկա ամիսներին կանենք հնարավոր ամեն ինչ, որպեսզի ավարտել այս աշխատանքը, քանի որ համարում ենք, որ այս պայմանագիրը կարևոր ենթատեքստ կստեղծի՝ առաջիկա տարիներին և տասնամյակներում երկու երկրների խաղաղ գոյակցության համար։ Այդ թշնամությանը մեկընդմիշտ վերջ տալու հիանալի հնարավորություն կա»,- ընդգծել է նա։