«Վերջին օրվա ընթացքում հետաքրքիր իրադարձություններ են տեղի ունեցել։ Ֆրանսիայի դեսպանը Բաքուն լքել է իր երկրում խորհրդատվությունների նպատակով։ Ադրբեջանական ԶԼՄ-ների փոխանցմամբ, սկսվել է նաև՝ ռուսական խաղաղապահ առաքելությունը Ղարաբաղից դուրս բերելու գործընթացը»։

Հայաստանի շուրջ օղակը սեղմվում է. Սուրեն Սուրենյանց

«Ցավում ենք, որ ՀՀ ղեկավարությունը գիտակցված որոշում է կայացրել ՌԴ-ի հետ վարել հարաբերությունների վատթարացման քաղաքականություն», «Ռուսաստանը սպասում է ՀԱՊԿ-ին անդամակցությունը շարունակելու հարցում Հայաստանի վերջնական որոշմանը. նրանք պետք է կողմնորոշվեն»:

«Եվրախորհրդարանի բանաձևի կամ ընդունված որոշումների կշիռը չպետք է գերագնահատել։ Դրանք խորհրդատվական բնույթ ունեն և պարտադիր չեն: Որպես կանոն, մենք տեսնում ենք, որ այս հանձնարարականներն ընդհանուր առմամբ հիմք չեն դառնում՝ Եվրամիության գործադիր մարմինների քաղաքականության համար»։

«Այս երկու զեկույցներով կամ առանց դրանց, միևնույն է՝ Ադրբեջանի դեմ որևէ կոնկրետ պատժամիջոցի Եվրամիությունը չի գնա: Բանն այն է, որ այս բանաձևերն ընդունել է այն Եվրախորհրդարանը, որն այս տարվա հունիսին ցրվելու է, քանի որ նոր ընտրություններ պետք է լինեն։ Հետևաբար, այս զեկույցներն ինձ համար 9-րդ դասարանի շարադրություն են, որի 90 տոկոսն իրականություն չի՛ դառնալու։

«Ուզենք, թե չուզենք, ադրբեջանական օրակարգն իրականացվում է, այսինքն՝ 2023 թվականի դեկտեմբերի 7-ից Բաքուն ուղիղ բանակցություններ է վարում Հայաստանի հետ։ Կարծես թե Ադրբեջանը հասել է իր նպատակին՝ անկախ նրանից, թե ինչ են ասում Հայաստանի իշխանությունները»։

«Ես ավելի վաղ ասել եմ, որ այս ճանապարհը (Զանգեզուրի միջանցքը-խմբ.) կբացվի երրորդ կողմի հսկողության ներքո։ Իսկ ով կլինի երրորդ կողմը, դա արդեն երկրորդ վտանգն է։ Եթե, օրինակ, Եռակողմ հայտարարության տեքստում գրված էր, որ դա Ռուսաստանն է, և դա հստակ գրված էր, ապա առնվազն 42 կմ-ը աշխարհաքաղաքական մրցակցության թիրախ չի դարձել, քանի որ սա հստակ արձանագրվել է»։

«2023 թվականի նոյեմբերի 26-ի դրությամբ՝ Ղարաբաղում հաշվառված 10 հազար 929 մարդ օդային և ցամաքային սահմանային անցակետերով մեկնել է Հայաստանի Հանրապետությունից, որից 4303-ը վերադարձել է»։

«Մենք գերագնահատում ենք Արևմուտքի դերը, շատ ենք ուռճացնում։ Իսկապես, ԱՄՆ-ն այսքանից հետո էլ մնում է թիվ մեկ գերտերությունը, բայց Արևմուտքը ցանկացած հարց չի կարող լուծել։ Ասեմ ավելին՝ այժմ համաշխարհային գործընթացներում ես նույնիսկ Արևմուտքի թուլացում եմ նկատում, և այդ միտումը անշեղորեն շարունակվում է»։

«Նիկոլ Փաշինյանը դիմում է սովորական մանիպուլյացիաների, ստորագրում է վտանգավոր և իրարամերժ ձևակերպումներով փաստաթուղթ, ապա հրապարակայնորեն հայտարարում է, որ նման պարտավորություն չի ստանձնել՝ հիմք տալով Բաքվին Երևանը ներկայացնելու որպես ապակառուցողական կողմ»։