Այս մասին հայտարարել է նախագահ Իլհամ Ալիևը Քելբաջարի շրջանում Իստիսու առողջարանի հիմնարկեքի արարողության ժամանակ, հայտնում է
Zinvor.info-ն՝ վկայակոչելով Ադրբեջանի նախագահի պաշտոնական կայքին:
Նշելով, որ ազատագրված քաղաքներում և գյուղերում արդեն ընթանում են լայնածավալ շինարարական աշխատանքներ՝ երկրի ղեկավարն ասել է. «Օրինակ, իմ տեղեկություններով, այժմ Շուշա քաղաքում հազարից ավելի մարդ է ապրում, ովքեր աշխատում են շինարարության և ծառայությունների ոլորտներում։ Աղդամում արդյունաբերական պարկ է ստեղծվում: Զանգիլանում՝ Աղալը գյուղում, շահագործման է հանձնվել առաջին «Խելացի գյուղը»։ Այսինքն՝ մենք դա անում ենք, մենք ենք այս հողերի տերը։ Բայց բոլորը պետք է իմանան, որ սա լայնածավալ աշխատանք է»։
Նախագահը նշել է, որ դրան զուգահեռ՝ Հայաստանի հետ սահմանի ողջ երկայնքով ստեղծվում են նոր դիրքեր, նոր հենակետեր։
«Այս ամբողջ աշխատանքի ծավալը ևս մեկ անգամ ցույց է տալիս մեր ժողովրդի մեծությունը։ Սա ցույց է տալիս, կրկին նշեմ, որ մենք այս հողերի տերն ենք, վերադարձել ենք և հավերժ ապրելու ենք այստեղ։ Ղարաբաղն Ադրբեջան է»,- ընդգծել է Իլհամ Ալիևը։