Իլհամ Ալիև. Այսուհետ մենք ապրելու ենք որպես հաղթանակած ժողովուրդ

Իլհամ Ալիև. Այսուհետ մենք ապրելու ենք որպես հաղթանակած ժողովուրդ

18:02 31 05 2022

«Այսուհետ մենք ապրելու ենք որպես հաղթանակած ժողովուրդ: 44 օրում մենք վերականգնեցինք մեր տարածքային ամբողջականությունը, արդարությունը, մեր ազգային արժանապատվությունը: Այսօր մենք կյանք ենք հաստատում Զանգիլանի այս գեղեցիկ հողում։ Կյանքը վերադառնում է Զանգիլան, այլ վայրեր, Շուշա։ Դուք լավ գիտեք, թե ինչքան բան է արվում այս տարածաշրջանի զարգացման համար։ Հիմա բոլորը, ովքեր գալիս են այստեղ, տեսնում են երկաթգիծ, մայրուղի։ Ընդ որում, սա վեց և չորս երթևեկելի գոտի ունեցող մայրուղի է։ Զանգիլանում օդանավակայան է կառուցվում, այն շահագործման կհանձնվի այս տարի։ Արդեն կառուցվել է մեծ ագրոպարկ, այս տարի կհավաքվի առաջին բերքը»։

Ինչպես հաղորդում է Zinvor.info-ն, այս մասին հայտարարել է Ադրբեջանի նախագահ Իլհամ Ալիևը Զանգիլանի շրջանի Աղալը գյուղում հասարակայնության ներկայացուցիչների հետ հանդիպման ժամանակ։

Նախագահը նշել է, որ երեկ ծանոթացել է Զանգիլան քաղաքի գլխավոր հատակագծին. «Կարծում եմ, որ մենք ընտրել ենք լավագույն տարբերակը։ Գլխավոր հատակագիծը ներկայացրել է այս ոլորտում փորձ ունեցող միջազգային ընկերություն, ես ասել եմ, որ Զանգիլանը պետք է դառնա քաղաք-զբոսայգի։ Այսինքն՝ Զանգիլանի բնությունն այնքան գեղեցիկ է, որ նրան չպետք է անգամ նվազագույն վնաս պատճառել, այլ, ընդհակառակը, էլ ավելի հարստացնել, մանավանդ որ հայերը ոչնչացրել են նաև Բասիթչայ արգելոցը։ Նրանք կտրել են հայտնի կաղնիները, թունավորել Օխչուչայ գետը։ Վեժնալիում մեր ոսկու հանքավայրերը շահագործելիս հայերը չեն պահպանել բնապահպանական ոչ մի նորմ։ Մենք պետք է պաշտպանենք բնությունը: Երեկ հաստատվեց Զանգիլանի գլխավոր հատակագիծը և արդեն կսկսվեն շինարարական աշխատանքները»։

Zinvor.info

Հեշթեգներ. Իլհամ-Ալիև Ադրբեջան

Նման լուրեր