13 երկրների 29 հասարակական կազմակերպություններ, ուսումնասիրելով քարտեզի վրա ներկայացված փաստերը, դիմում են ուղարկել Espoo կոնվենցիայի քարտուղարությանը և Արդյունահանող ճյուղերի թափանցիկության նախաձեռնությանը (EITI)՝ պահանջելով գնահատել Հայաստանի գործողությունները։

Ինչպես տեղեկացնում է Zinvor.info-ն, դիմում-բողոքում նշվում է, որ Environmental Protection First (EPF) ՈԿԿ-ների կոալիցիան պատրաստել է քարտեզ, որն արտացոլում է Հայաստանի Հանրապետությունում հանքարդյունաբերական գործունեության հետևանքով անդրսահմանային գետերին հասցված բնապահպանական վնասը։

«Մենք՝ տարբեր երկրների քաղաքացիական հասարակության կազմակերպություններս, հայտարարում ենք մեր աջակցությունն այս կոալիցիային և ընդգծում EPF-ի հետ համագործակցության կարևորությունը»,- ասվում է հայտարարության մեջ:

Քարտեզը ցույց է տալիս, որ Հայաստանի հանքարդյունաբերական ձեռնարկությունները ծանր մետաղների բարձր կոնցենտրացիաներով թափոններ են լցնում անդրսահմանային գետեր:

Նշվում է, որ Փեմբեկ (Դեբեդ), Ապարանչայ, Զանգիչայ, Վեդիչայ, Արփաչայ, Օխչուչայ, Բազարչայ գետերը, ինչպես նաև Քուռ և Արազ գետերի վերին և միջին հոսանքները թափվող գետերի ավազաններում հանքարդյունաբերական գործունեությունը լուրջ վտանգ է ներկայացնում Ադրբեջանի և դրանց ջրերն օգտագործող հարևան երկրների համար։