Խորհրդարանական հանձնաժողովի նախագահ. Պապիկյանը Լեկորնուի հետ կքննարկի ռազմական համագործակցության բազմաթիվ թեմաներ

14:17 23 10 2023

ՀՀ պաշտպանության նախարար Սուրեն Պապիկյանը՝ ֆրանսիացի իր գործընկեր Սեբաստիեն Լեկորնուի հետ կքննարկի բազմաթիվ թեմաներ, այդ թվում՝ ռազմական կրթության հարցեր։

Ինչպես հայտնում է Zinvor.info-ն՝ հայկական ԶԼՄ-ներին հղումով, այս մասին լրագրողներին ասել է՝ պաշտպանության և անվտանգության հարցերով խորհրդարանական հանձնաժողովի նախագահ Անդրանիկ Քոչարյանը։

Պատգամավորը չի պատասխանել այն հարցին, թե ե՞րբ կստորագրվի Ֆրանսիայի հետ ռազմական համագործակցության, մասնավորապես՝ սպառազինությունների մատակարարման համաձայնագիր։ Խորհրդարանական հանձնաժողովի ղեկավարը լրատվամիջոցներին խորհուրդ է տվել այս հարցով դիմել պաշտպանության նախարարությանը։

Լրագրողի այն հարցին, թե համաձայնագրի հնարավոր ստորագրումը ազդանշան է արդյոք նրա, որ Հայաստանը ընդլայնում է ռազմաքաղաքական համագործակցության շրջանակը, Քոչարյանը դրական է պատասխանել:

Նրա խոսքով, 44-օրյա պատերազմը ցույց է տվել, որ Հայաստանը պետք է լուրջ աշխատանք տանի բոլոր հարթակներում:

Zinvor.info

Zinvor.info

Հեշթեգներ. ֆրանսիա Հայաստան

Նման լուրեր