ՄԱԿ. Ղարաբաղը լքող հայերի նկատմամբ ադրբեջանցիների կողմից կոշտ վերաբերմունքի դեպքեր չեն գրանցվել

11:14 30 09 2023

Միավորված ազգերի կազմակերպությունը (ՄԱԿ) հայտարարել է, որ Ադրբեջանի Ղարաբաղի շրջանում բնակվող հայերի Հայաստան ուղևորության ընթացքում բացասական վերաբերմունքի դեպքեր չեն գրանցվել, հայտնում է Anadolu գործակալությունը։

ՄԱԿ-ի փախստականների հարցերով գերագույն հանձնակատարի հայաստանյան գրասենյակի ներկայացուցիչ Կավիտա Բելանին ՄԱԿ-ի ժնևյան գրասենյակի ամենշաբաթյա ասուլիսում խոսել է Ադրբեջանի Ղարաբաղի շրջանից Հայաստան հազարավոր մարդկանց միգրացիայի և Հայաստանում նրանց վիճակի մասին:

Նրա խոսքով, մեկ շաբաթից էլ քիչ ժամանակում ավելի քան 88 700 մարդ լքել է Ղարաբաղը և հասել Հայաստան։ Բելանին ասել է, որ իրենք «անհանգստացած են հումանիտար արտակարգ իրավիճակով»:

Բելանին նշել է, որ Հայաստանի կառավարությունը ՄԱԿ-ի և այլ ոչ կառավարական կազմակերպությունների աջակցությամբ ստանձնել է նրանց պաշտպանության և աջակցության պատասխանատվությունը։

Zinvor.info

Հեշթեգներ. ՄԱԿ Ադրբեջան

Նման լուրեր