Այս մասին Zinvor.info-յին հայտնում են ԱԳՆ-ից։

Նամակում լուրջ մտահոգություն է հայտնում, որ Հայաստանը հրաժարվում է վերադարձնել անբարենպաստ եղանակային պայմաններում մոլորված, Հայաստանի զինված ուժերի կողմից գերեվարված, խոշտանգումների և այլ անմարդկային գործողությունների ենթարկված ադրբեջանցի զինծառայողներին, ինչը հակասում է միջազգային մարդասիրական իրավունքին և պարտավորություններին։ Նամակում նշվում է նաև, որ գերեվարված զինվորների նկատմամբ շինծու քրեական գործ է հարուցվել։

«ՄԱԿ-ի գլխավոր քարտուղարի ուշադրությանն է ներկայացվել այն փաստը, որ չնայած սոցիալական ցանցերում և այլ բաց աղբյուրներում առկա խոշտանգումների և այլ հանցավոր արարքների ապացույցներին, հայկական կողմը, այդ գործողությունները կատարողներին պատժելու փոխարեն, փորձում է ադրբեջանցի զինվորներին օգտագործել որպես գործարքի առարկա:

Նամակում նշվում է, որ հայ պաշտոնյաների կողմից հնչել են հակասական հայտարարություններ գերեվարված ադրբեջանցի զինվորների վերաբերյալ, ինչը ևս մեկ անգամ ցույց է տալիս, թե ինչպես է Հայաստանն իր անպատասխանատու պահվածքով անտեսում միջազգային մարդասիրական իրավունքը և հումանիզմի սկզբունքները։

Նամակի վերջում ՄԱԿ-ի գլխավոր քարտուղարին կոչ է արվում դատապարտել Հայաստանի այս սադրիչ գործունեությունը, որն ուղեկցվում է միջազգային մարդասիրական իրավունքի կոպիտ խախտումներով, և ճնշում գործադրել Հայաստանի վրա՝ անհապաղ դադարեցնելու նման սադրանքները, անվերապահորեն ազատ արձակելու ադրբեջանցի զինվորներին՝ պահպանելով նրանց արժանապատվությունը և կյանքի նկատմամբ հարգանքը»,- ասված է նամակում։