Հարավային Կովկասի հարցով «3+3» հարթակի հաջորդ նիստը կարող է անցկացվել Թուրքիայում

Հարավային Կովկասի հարցով «3+3» հարթակի հաջորդ նիստը կարող է անցկացվել Թուրքիայում

13:10 20 12 2021

Հարավային Կովկասի հարցով «3+3» տարածաշրջանային խորհրդատվական հարթակի հաջորդ նիստը տեղի կունենա Թուրքիայում. Անկարան հույսը ունի, որ Վրաստանը կմասնակցի դրան։

Այս մասին կիրակի Իսլամաբադում հայտարարել է Թուրքիայի արտգործնախարար Մեւլութ Չավուշօղլուն՝ Պակիստանում Իսլամական համագործակցության կազմակերպության անդամ երկրների արտգործնախարարների 17-րդ արտահերթ հանդիպման արդյունքներով:

«[Ադրբեջանի արտաքին գործերի նախարար] Պարոն Ջեյհուն Բայրամովը եւ ես քննարկել ենք [Ադրբեջանի նախագահ Իլհամ] Ալիեւի եւ [ՀՀ վարչապետ Նիկոլ] Փաշինյանի հանդիպումը Բրյուսելում, «3+2» հարթակի նիստը Մոսկվայում, որն անցկացվել է փոխարտգործնախարարների մակարդակով։ Վրաստանը դրան չի մասնակցել, սակայն մենք հույս ունենք, որ նա կմասնակցի հաջորդ նիստին, որը, ինչպես ակնկալում ենք, կանցկացվի Թուրքիայում»,- ասել է հանրապետության ԱԳՆ ղեկավարը։ Ելույթը հեռարձակվել է Twitter-ի նրա պաշտոնական էջում։

Zinvor.info

Հեշթեգներ. Հարավային-Կովկաս 3+3

Նման լուրեր