Ադրբեջանում պաշտպանության և ազգային անվտանգության ծախսերը կավելանան ավելի քան 16%-ով

Ադրբեջանում պաշտպանության և ազգային անվտանգության ծախսերը կավելանան ավելի քան 16%-ով

10:43 06 11 2021

Ադրբեջանում 2022 թվականին պետբյուջեից 6,852 մլրդ մանաթ կծախսվի պաշտպանության և ազգային անվտանգության, դատական համակարգի, իրավապահ մարմինների և դատախազության համար։

Ինչպես հայտնում է Zinvor.info-ն, այս հարցն արտացոլված է՝ «2022 թվականի պետական բյուջեի մասին» օրինագծում։

Փաստաթղթի համաձայն, դա նշանակում է հաջորդ տարվա բյուջեի ծախսերի 22,9 տոկոսը, ինչը 2,6 տոկոսով ավել է 2021 թվականի հաստատված ցուցանիշից։

Այդ միջոցներից 2,89 մլրդ մանաթը հատկացվել է պաշտպանությանն ու ազգային անվտանգությանը, 2,362 մլրդ մանաթը՝ դատական իշխանությանը, իրավապահ մարմիններին ու դատախազությանը։ Անցյալ տարվա ցուցանիշների համեմատ դա համապատասխանաբար 16,3% և 12,9%-ով ավել է։

Բացի այդ, հատուկ գնումների համար կհատկացվի 1,6 մլրդ մանաթ։

Zinvor.info

Հեշթեգներ. Ադրբեջան 2022

Նման լուրեր