Չավուշօղլու. «Մենք հպարտանում ենք Ադրբեջանի հաջողություններով»

Չավուշօղլու. «Մենք հպարտանում ենք Ադրբեջանի հաջողություններով»

02:16 11 11 2020

Մենք հպարտանում ենք և մարտի դաշտում և դիվանագիտական ասպարեզում ձեր հաջողություններով: Որպես Թուրքիա՝ միշտ ասել ենք, որ մեր հարգելի նախագահ գլխավորությամբ մենք Ադրբեջանի կողքին ենք, ինչպես մարտի դաշտում, այնպես էլ սեղանի շուրջ:

Այս մասին նոյեմբերի 10-ին նախագահ Իլհամ Ալիեւի հետ հանդիպման ժամանակ հայտարարել է Թուրքիայի արտաքին գործերի նախարար Մեվլութ Չավուշօղլուն, տեղեկացնում է Zinvor.info-ն:

«Հաջորդ գործընթացում, ինչպես ասացիք, մենք կքննարկենք ու կգնահատենք մեր կողմից ձեռնարկվող քայլերը, այդ թվում՝ համատեղ վերահսկիչ կենտրոնի ստեղծումը: Մենք անհրաժեշտ աշխատանքները կատարելու ենք մեր գործընկերների հետ միասին՝ համաձայն ձեր հրահանգների և առաջադրանքների: Այս նպատակով մենք եկել ենք ձեզ այսօր ընդունելու, ձեր հրահանգները ստանալու», - ասաց Մեվլութ Չավուշօղլուն:

Թուրքիայի արտգործնախարարը, շնորհավորելով Ադրբեջանի նախագահին, նշել է. «Մենք այսօր առավոտյան միացրինք հեռուստացույցը, մարդիկ փողոցում էին Ադրբեջանում, և նույն ուրախությունն ապրում էր նաև մեր ժողովուրդը Թուրքիայում: Շնորհակալ եմ դրա համար»:

Zinvor.info

Հեշթեգներ. Իլհամ-Ալիեւ Մեվլութ-Չավուշօղլու

Նման լուրեր