Ռուսաստանի ԱԳՆ. Հայաստանի իշխանությունների դիրքորոշումները երբեմն, երբեմն էլ ոչ հազվադեպ, հարցեր են առաջացնումեզ համար

10:59 28 03 2025

Եթե փոխվել է Երևանի պաշտոնական դիրքորոշումը՝ Հարավային Կովկասում տրանսպորտային հաղորդակցությունների ապաշրջափակման հարցում, որը համաձայնեցրել են Ռուսաստանի, Ադրբեջանի և Հայաստանի ղեկավարները, դա մնում է երկրի ինքնիշխան իրավունքը։ Սակայն ճիշտ կլիներ, եթե Հայաստանը պաշտոնապես համապատասխան մակարդակով հայտարարեր այդ մասին։

Ինչպես հաղորդում է Zinvor.info-ն, այս մասին այսօր կայացած ճեպազրույցում հայտարարել է՝ ՌԴ ԱԳՆ պաշտոնական ներկայացուցիչ Մարիա Զախարովան։

«Այս իսկապես կարևոր խնդիրը լուծելու համար, ինչպես գիտեք, 2020-2022 թվականներին ձեռք բերված ամենաբարձր մակարդակով եռակողմ պայմանավորվածություններին համապատասխան, ստեղծվել է մասնագիտացված եռակողմ աշխատանքային խումբ՝ ապաշրջափակելու տրանսպորտային և տնտեսական կապերը Հարավային Կովկասում։ Դրա շրջանակներում մեծ աշխատանք է կատարվել փոխադարձության և ինքնիշխանության սկզբունքների հիման վրա՝ Հայաստանի և Ադրբեջանի միջև տրանսպորտային երթուղիների իրավական դաշտի և տեխնիկական պարամետրերի համակարգման ուղղությամբ։ Այո, մենք տեսնում ենք արևմտյան երկրների ապակառուցողական ազդեցությունը, և տեսնում ենք նաև, որ Հայաստանի իշխանությունների դիրքորոշումները երբեմն, երբեմն էլ ոչ հազվադեպ, հարցեր են առաջացնում մեզ համար»,- նշել է նա։

Zinvor.info

Հեշթեգներ. Ռուսաստան ԱԳՆ

Նման լուրեր