Ադրբեջանցի զինվորականները մասնակցում են Վրաստանում վարժանքներին

Ադրբեջանցի զինվորականները մասնակցում են Վրաստանում վարժանքներին

11:38 24 09 2024

Վրաստանում մեկնարկել են Eternity-2024 համակարգչային աջակցությամբ հրամանատարաշտաբային զորավարժությունները։

Ինչպես Zinvor.info-յին հայտնել են ՊՆ-ից, զորավարժություններին մասնակցում են Ադրբեջանի, Թուրքիայի և Վրաստանի զինվորականները։

Տեսական և գործնական պարապմունքներից բաղկացած զորավարժությունների ընթացքում զինվորականները և համապատասխան պետական կառույցների ներկայացուցիչները կկատարեն ռազմավարական նշանակություն ունեցող տարածաշրջանային տնտեսական նախագծերի պաշտպանության կազմակերպման վերաբերյալ առաջադրանքներ։

Միջազգային զորավարժությունները, որոնք անցկացվում են մասնակից երկրների Զինված ուժերի միջև համագործակցության ամրապնդման և գործողությունների ներդաշնակման ապահովման նպատակով, կտևեն մինչև սեպտեմբերի 27-ը։

Zinvor.info

Հեշթեգներ. Ադրբեջան

Նման լուրեր