Ինչպես հայտնում է Zinvor.info-ն, հրապարակման մեջ ասվում է. «Մենք դիվանագիտական կորպուսի ներկայացուցիչների հետ միասին Նավթալանից ուղևորվում ենք Քելբաջար։ Հակաահաբեկչական միջոցառումներից հետո լեռներով շրջապատված Քելբաջար մուտքը Աղդերեյի շրջանով շատ ավելի հեշտ է դարձել: Ճանապարհին մենք կայցելենք Սարսանգի ջրամբար, որը երկար ժամանակ Հայաստանի կողմից ենթարկվել է հիդրոահաբեկչության, ինչպես նաև նոր բնակելի շենքեր, արտադրական, մշակութային, կրոնական և այլ օբյեկտներ, որոնք վերջերս բացվեցին նախագահ Իլհամ Ալիևի կողմից: Քելջաբարի օկուպացիան տեղի ունեցավ 1993 թ.-ին Հայաստանի տարածքից ռազմական հարձակման արդյունքում: Ռազմական ագրեսիայի այդ ակտը որոշեց Հայաստանի պատասխանատվությունը՝ որպես օկուպանտ պետության և հանգեցրեց ՄԱԿ-ի Անվտանգության խորհրդի 822 բանաձևի ընդունմանը։ Մինչ օկուպացիան Քելբաջարն ու նրա խաղաղ բնակչությունը շուրջ մեկ տարի շրջափակման մեջ էին։

Միակ ելքը ոլորապտույտ Օմարի լեռնանցքն էր՝ խիստ սահմանափակ մուտքով։ Հայկական ահաբեկչական ASALA կազմակերպության անդամ Մոնթե Մելքոնյանը Քելբաջարի թունելում կազմակերպել է խաղաղ բնակիչների զանգվածային սպանություններ՝ նման Խոջալուի ցեղասպանությանը։ Օկուպացիայի ընթացքում և Քելբաջարից նահանջի ժամանակ հայերը ավերել և թալանել են քաղաքացիական գույքն ու մշակութային հուշարձանները։ Իսկ հիմա Հայաստանն ու նրա կողմնակիցները արևմտյան կառույցներում, վճարովի լոբբիստները, առանց ամաչելու կամ մեղքի նվազագույն զգացողության շարունակում են անհիմն ու անհեթեթ մեղադրանքներ ներկայացնել Ադրբեջանին։ Մենք ապրում ենք կեղծավոր աշխարհում։ Դրանով հանդերձ, «ճշմարտությունն ու արդարությունը կարելի է ծռել, բայց ոչ կոտրել»։

Zinvor.info