Հասանովը հրամայել է զինծառայողներին ավելի ակտիվ նախապատրաստել իրական մարտերին

Հասանովը հրամայել է զինծառայողներին ավելի ակտիվ նախապատրաստել իրական մարտերին

12:56 30 03 2024

Մարտի 30-ին Կենտրոնական հրամանատարական կետում գեներալ-գնդապետ Զաքիր Հասանովի գլխավորությամբ տեղի ունեցավ հերթական ծառայողական խորհրդակցությունը:

Ինչպես Zinvor.info-յին հայտնել են ՊՆ-ից, հանդիպմանը մասնակցել են փոխնախարարները, զորատեսակների հրամանատարները, նախարարության գլխավոր վարչությունների, վարչությունների և ծառայությունների ղեկավարները։ Խորհրդակցությանը տեսակապով մասնակցել են ազատագրված տարածքներում տեղակայված զորամիավորումների հրամանատարները:

Նախ մեկ րոպե լռությամբ հարգել են համազգային առաջնորդ Հեյդար Ալիևի և երկրի տարածքային ամբողջականության համար իրենց կյանքը զոհաբերած նահատակների, ինչպես նաև մարտի 31-ի ցեղասպանության զոհերի հիշատակը:

Միջոցառմանը անդրադարձ է կատարվել ադրբեջանա-հայկական պայմանական սահմանին տիրող օպերատիվ իրավիճակին, զորքերի ծառայության կազմակերպմանն ու անցկացմանը:

Զաքիր Հասանովը կարևորել է զորավարժությունների և գործնական պարապմունքների ինտենսիվության հետագա բարձրացումը, որոնք անցկացվում են իրականին առավելագույն մոտ մարտական պայմաններում և ժամանակակից սպառազինության, տեխնիկայի և այլ մարտական միջոցների կիրառմամբ:

Zinvor.info

Հեշթեգներ. Հասանով ՊՆ

Նման լուրեր