Ինչպես հաղորդում է Zinvor.info-ն, այս մասին ասվում է Ադրբեջանի Մամուլի խորհրդի հայտարարության մեջ։ «Սոլովյովի հայտարարությունները, որոնք ուղղված են այս ահաբեկչության մեջ ադրբեջանական հետք որոնելուն, դուրս են մեր երկրի դեմ այս անձի ավանդական կողմնակալ հռետորաբանության շրջանակներից։ Սոլովյովն իր ակնարկներով տեղեկատվական սադրանք է իրականացնում Ադրբեջանի դեմ: Նա հաշվի չի առնում, որ ահաբեկիչը ազգ ու կրոն չունի: Ավելին, ահաբեկչության մեղավորները բացահայտված են, և Սոլովյովը չպետք է գործի դնի իր դավադրության տեսությունը»,- ասվում է հայտարարության մեջ։

«Crocus City Hall-ում տեղի ունեցած ահաբեկչությանը էթնիկ երանգ հաղորդելու Սոլովյովի փորձն ուղղված է ադրբեջանցիների և Ադրբեջանի դեմ, և ընդհանրապես Ռուսաստանում էթնիկ հակամարտություն և մեր հայրենակիցների նկատմամբ ատելություն հրահրելուն։ Հայտնի է, թե ում պատվերներն է կատարում այս անձը։ Հայազգի ռուս լրագրող Մարգարիտա Սիմոնյանի և մեդիա մագնատ Արամ Գաբրիելյանովի հետ նրա «համագործակցության» փաստերը քաջ հայտնի են թե՛ ռուս, թե՛ ադրբեջանական հանրությանը։ Դեռ 2016 թվականին այս «եռյակը» ցանկանում էր մեր երկրի անունը կապել ԴԱԻՇ ահաբեկչական կազմակերպության հետ։ Նույն ձեռագիրը տեսանելի է Սոլովյովի՝ Crocus City Hall-ի մասին ակնարկներում։ Զգացվում է, որ նրա հիմնական նպատակն է խարխլել ադրբեջանա-ռուսական հարաբերությունների ներկայիս բարձր մակարդակը»,- ընդգծել են Մամուլի խորհրդում։