Ինչպես հայտնում է Zinvor.info-ը, այս մասին նշված է նախագահ Իլհամ Ալիևի՝ մարտի 8-ի՝ Կանանց միջազգային օրվա առթիվ ադրբեջանցի կանանց ուղղված շնորհավորական ուղերձում։

Ուղերձում նշվում է, որ առ այսօր բարոյական հարուստ արժեքների արժանի պահպանումը սերտորեն կապված է մեր մայրերի հետ։ Իր գեղեցկությամբ, նրբությամբ ու վեհանձնությամբ աչքի ընկնող ադրբեջանցի կանայք նույնպես վառ էջեր են գրել մեր պատմության մեջ՝ դրսևորելով հերոսություն ու խիզախություն։ Բոլոր վճռորոշ պահերին նրանք միշտ եղել են իսկական բարոյական հենարան մեր հասարակության համար, և դա ևս մեկ անգամ ապացուցեցին իրենց նվիրումով 44-օրյա Հայրենական պատերազմի ընթացքում։

«Այսօրվա ադրբեջանցի կանայք, հավատարիմ մնալով մեր ժողովրդին բնորոշ ավանդական ընտանեկան արժեքներին, միևնույն ժամանակ ունեն արդիականության ուժեղ զգացում և նորարար բնույթ։ Նրանց ներկայիս բարձր հանրային հեղինակությունը և նշանակալի ձեռքբերումները առողջապահության, կրթության, մշակույթի, գիտության բնագավառում, որպես իրենց լուսավորիչ նախորդների ստեղծագործ մտածող ժառանգորդները, հանդիսանում են մեր երկրի համակողմանի զարգացումը բնութագրող գործոններ:

Մենք մեր անկախության շրջանի փառավոր ու հպարտության զգացում առաջացնող փուլում ենք։ Վստահ եմ, որ ադրբեջանցի կանայք կշարունակեն առանձնահատուկ ուշադրություն դարձնել մատաղ սերնդին հայրենասիրության ոգով դաստիարակելուն և ակտիվորեն մասնակցել ստեղծարար աշխատանքին՝ հանուն մեր լուսավոր ապագայի»,- նշվում է շնորհավորական ուղերձում:

Zinvor.info