Ինչպես հաղորդում է Zinvor.info-ն, այս մասին հայ լրագրողներին հայտարարել է՝ իշխող կուսակցության պատգամավոր, ՀՀ Ազգային ժողովի ֆինանսավարկային և բյուջետային հարցերի մշտական հանձնաժողովի նախագահ Գևորգ Պապոյանը՝ պատասխանելով դիտողություններին այն մասին, թե Ադրբեջանի նախագահը պահանջում է հստակ ձևակերպումներ ուերաշխավորում, որ ոչ մի ռևանշ չի լինելու։

«Մեզ պետք է խաղաղության պայմանագիր այնքան, որքան նրանց: Իմ կարծիքով, այս պայմանագիրն այստեղ ամուր խաղաղության մասին է։ Համաձայնագրի ստորագրումից հետո, ես Հարավային Կովկասում տեսնում եմ մի միջավայր, որը կբերի ինտեգրում բոլոր մակարդակներում և ոչ միայն խաղաղություն, այլև տնտեսական հարաբերությունների զարգացում, բարգավաճում և կենսամակարդակի զգալի բարձրացում։

Եթե Հայաստանը հայտարարի, որ պատրաստվում է ռևանշի, դա ուղիղ ճանապարհ է Հայաստանի Հանրապետության չլինելուն։ Կլինեն արտաքին ուժեր, որոնք կհրահրեն նման տրամադրություններ և նման բառամթերք Հայաստանում, քանի որ այդ ուժերին Հայաստանը պետք չէ, որ գոյություն ունենա։ Ուրիշի ձեռքերով շագանակներ հանելու քաղաքականությունը շատ տրամաբանական է այդ ուժերի համար, և մենք չպետք է գործիք դառնանք երրորդ երկրների ձեռքին»,- հայտարարել է պատգամավորը։

Zinvor.info