Ինչպես հայտնում է Zinvor.info-ն, այս մասին ֆեյսբուքյան իր էջում գրել է բլոգեր Նատալի Ալեքսանյանը։

«Իմ խոսքը չի վերաբերում այս մարդկանց, ես նրանց ասելու բան չունեմ, քանի որ գիտեմ, որ Ղարաբաղի հայերը դեռևս բազմաթիվ չլուծված խնդիրներ ունեն։ Բայց իմ ելույթը վերաբերում է հենց հայկական լրատվամիջոցներին, որոնք այս չլուծված խնդիրները լուծելու փոխարեն՝ ստիպում են մարդկանց խոշտանգումների մասին կեղծ ցուցմունքներ տալ։

Բացի այդ, ես մի պարզ հարց եմ տալիս՝ ի՞նչն էր խանգարում այս մարդկանց խոշտանգումների մասին խոսել հենց այն վայրկյանին, երբ ոտք դրեցին Հայաստանի հողի վրա։ Ինչո՞ւ մեկ ամիս անց սկսեցին խոսել խոշտանգումների մասին։ Ղարաբաղցիները վախենու՞մ էին ճշմարտությունն ասել. Իհարկե ոչ.

Այսպիսով, ես համոզված եմ, որ տեղի ունեցողը դիվերսիա է Հայաստանի պետականության դեմ։ Ռևանշիստական ուժերը չեն կտրում հավերժական պատերազմի հույսը և նման էժանագին ապատեղեկատվություն տարածելով՝ փորձում են երկրում ստեղծել հասարակական տրամադրություն, որը դեմ կլինի ադրբեջանցիների հետ խաղաղությանը։ Պետական ապարատի բացարձակ անարդյունավետության պայմաններում պատերազմի ուժերը կրկին ատելություն են սերմանում՝ որպես գործիք օգտագործելով իրենց կողմից թալանված ու նվաստացած ղարաբաղահայությունը»,- գրում է Նատալի Ալեքսանյանը։

Zinvor.info