Ինչպես հաղորդում է Zinvor.info-ն՝ հղում անելով Ազատություն ռադիոկայանի ադրբեջանական խմբագրությանը՝ Կարմիր Խաչի միջազգային կոմիտեի (ԿԽՄԿ) ներկայացուցիչները շրջագայում են Ղարաբաղի գյուղերը,

շփվում են այնտեղ մնացած հայերի հետ, տեղեկանում նրանց կարիքների ու պահանջների մասին։ Դրանով հանդերձ նշվում է, որ նրանց ոչ ոք չի անհանգստացնում, դուրս չի անում տներից ։ Եվ սա անգամ այն բանի ակնարկի բացակայության անհերքելի ապացույց է, որ Ադրբեջանը «էթնիկ զտումներ» է իրականացրել կամ իրականացնում օկուպացիայից ազատագրված տարածքներում։

Այսպես, Գըզըլգայա գյուղում բնակվող Ահարոն Ղազարյանը ԿԽՄԿ-ի ներկայացուցիչներին պատմել է, որ իր տարեց հոր հետ որոշել է մնալ և չտեղափոխվել Հայաստան։

«Մայրս այստեղ է թաղված, հայրս 92 տարեկան է։ Ո՞ւր ենք գնալու։ Եթե ես հիմա նրան առաջարկեմ տեղափոխվել Հայաստան, ապա նա ճանապարհին կմահանա»,- պատմել է Ղազարյանը։

ԿԽՄԿ-ի ներկայացուցիչ Քրիս Փոլի խոսքով՝ նրանք տեղեկություն են ստացել այն մասին, որ հայերը շարունակում են ապրել Ղարաբաղի գյուղերում։

«Նրանք այստեղ մնացել են ընտանեկան կամ այլ հանգամանքներով։ Ոմանք ցանկանում են հեռանալ, ոմանք՝ ոչ», - ասել է Փոլը:

ԿԽՄԿ-ի աշխատակիցների հետ զրույցում Ղարաբաղի գյուղերից մեկում ապրող մի հայ կինը հայտնել է, որ հանգիստ կարող է տեղաշարժվել շրջակայքում, և որ «ոչ ոք չի կանգնեցնում նրան»։