Ինչպես հաղորդում է Zinvor.info-ն, այս մասին հայտարարել է Միլի Մեջլիսի նախագահ Սահիբա Գաֆարովան՝ Իռլանդիայի խորհրդարանի Ներկայացուցիչների պալատի նախագահ Շոն Օ'Ֆերհեյի հետ հանդիպմանը։

Լայնորեն տեղեկացնելով տարածաշրջանում տիրող իրավիճակի մասին՝ Սահիբա Գաֆարովան հիշեցրել է, որ Ադրբեջանը, ազատագրելով իր հողերը հայկական օկուպացիայից, ապահովել է ՄԱԿ-ի Անվտանգության խորհրդի բանաձևերի կատարումը և հակառակ կողմին առաջարկել խաղաղության պայմանագիր, որը դեռևս չի ստորագրվել Հայաստանի մեղքով:

Ըստ բանախոսի՝ Հայաստանը Ղարաբաղից դուրս չի բերել իր 10 հազար զինվորականներին, նյութական աջակցություն է ցուցաբերել նրանց, զենք և զինամթերք մատակարարել, աջակցել է Ադրբեջանի Ղարաբաղի տարածաշրջանի անջատողական ռեժիմին, սադրանքներ է կատարել սահմանին և շարունակել ականապատել ադրբեջանական տարածքները:

«Անցած շաբաթ այս սադրանքների թիվն էլ ավելի աճել։ Այսպես, հայկական դիվերսիոն խմբերի կողմից ահաբեկչական նպատակներով տեղադրված ականների պայթյունների արդյունքում զոհվել և վիրավորվել են քաղաքացիական անձինք և զինվորականներ։ Այս ամենը հանգեցրեց հակաահաբեկչական միջոցառումների մեկնարկին, որոնց նպատակն էր կանխել հայկական անօրինական զինված խմբավորումների ռազմական սադրանքները և ահաբեկչական գործողությունները՝ Ադրբեջանի Ղարաբաղի տարածաշրջանում, ինչպես նաև ահաբեկչական խմբավորումների դուրսբերումը Ղարաբաղից»,- նշել է խոսնակը: