Zinvor.info-յի փոխանցմամբ՝ այս մասին X սոցցանցի իր էջում գրել է Ադրբեջանի ԱԳՆ մամուլի ծառայության ղեկավար Այխան Հաջիզադեն՝ մեկնաբանելով տեղեկատվությունն այն մասին, որ ԵԱՀԿ գործող նախագահ Բույար Օսմանին իր անձնական ներկայացուցչին կուղարկի ծանոթանալու Լաչինի ճանապարհին՝ հայ-ադրբեջանական սահմանին տիրող իրավիճակին:
«Ինչ վերաբերում է տարածաշրջան մատակարարումների մեծ ծավալներին, ապա այդ նպատակով Ադրբեջանը տրամադրել է Աղդամ-Խանքենդի ճանապարհը, որը կարող էր օգտագործվել, եթե հայերը 10 օր առաջ չխախտեին պայմանավորվածությունները»,- գրել է նա։
Այխան Հաջիզադեն ընդգծել է նաև, որ, ինչպես ցանկացած երկրում, Ադրբեջանում էլ սահմանով անցումը հստակ կանոնակարգված է։