Իլհամ Ալիև. «Մենք Եվրամիության ակտիվացումը բնական ենք համարում»

Իլհամ Ալիև. «Մենք Եվրամիության ակտիվացումը բնական ենք համարում»

11:43 02 08 2023

«Դա Եվրոպական խորհրդի նախագահ Շառլ Միշելի նախաձեռնությունն էր, ով հրավիրեց մեզ, և մենք աջակցեցինք դրան, քանի որ հաշվի առնելով Ադրբեջանի և ԵՄ-ի, Հայաստանի և ԵՄ-ի միջև համագործակցության մակարդակը, բնական ենք համարում Եվրամիության ակտիվացումը»։

Այս մասին, ըստ Zinvor.info-յի, հայտարարել է Ադրբեջանի նախագահ Իլհամ Ալիևը Euronews հեռուստաալիքին տված հարցազրույցում՝ մեկնաբանելով Եվրոպական խորհրդի նախագահ Շառլ Միշելի աջակցությամբ Հայաստանի հետ բանակցությունները։

Ադրբեջանի նախագահի խոսքով՝ նա կարծում է, որ ԵՄ միջնորդությունը կարող է լավագույնը լինել, քանի որ նրանց հարաբերությունները հիմնված են փոխադարձ հարգանքի, փոխադարձ վստահության և փոխադարձ շահերի վրա։

«Այնպես որ, այժմ այս նախաձեռնությունը վերածվում է երկխոսության շատ ակտիվ ձևի՝ շնորհիվ մեր հանդիպումների ոչ միայն Բրյուսելում, այլ նաև, օրինակ, Եվրոպական խաղաղության նախաձեռնության նիստերի հարթակներում: Վերջին անգամ դա տեղի է ունեցել Քիշնևում։ Սա կարևոր եմ համարում, քանի որ մենք թույլ չենք տալիս, որ իրավիճակը լճանա։ Որովհետև լճացման դեպքում մենք ապահովագրված չենք լինի որևէ վտանգավոր սցենարից»,- ընդգծել է Ադրբեջանի նախագահը։

Zinvor.info

Հեշթեգներ. Իլհամ-Ալիև

Նման լուրեր