Ինչպես հաղորդում է
Zinvor.info-ն, այս մասին ՌԴ ԱԳ նախարար Սերգեյ Լավրովի հետ համատեղ մամուլի ասուլիսում հայտարարել է Ադրբեջանի արտգործնախարար Ջեյհուն Բայրամովը։
Արտգործնախարարը նշել է, որ իր ռուս գործընկերոջը տեղեկացրել է խաղաղության պայմանագրի ստորագրման հարցում Հայաստանի շարունակվող ոչ կառուցողական դիրքորոշման մասին։
«Ինչպես գիտեք, քննարկումների հենց սկզբից Հայաստանը մշտապես խոչընդոտել է համաձայնագրի ստորագրմանը։ Մենք տեսել ենք տարբեր խոչընդոտներ, որոնք հայկական կողմն անընդհատ ստեղծում էր այս գործընթացի շրջանակներում։ Հայկական կողմը նույնիսկ հրաժարվել է մասնակցել Ռուսաստանում խաղաղության պայմանագրի քննարկմանը»,- ասել է Բայրամովը։
Ընդ որում՝ նախարարի խոսքով, Ադրբեջանը, կենտրոնացած լինելով իրական արդյունքի վրա, փորձում է օգտագործել բոլոր հնարավորությունները խաղաղ պայմանագրի շուրջ բանակցությունների գործընթացն առաջ մղելու համար։
«Որքան շուտ հայկական կողմը վերադառնա բանակցությունների սեղանի շուրջ, այնքան լավ կլինի խաղաղ գործընթացի համար»,- ընդգծել է Ջեյհուն Բայրամովը: