Այս մասին հայտարարել է Ադրբեջանի նախագահ Իլհամ Ալիևը Հարավային գազային միջանցքի խորհրդատվական խորհրդի 9-րդ և Կանաչ էներգետիկայի խորհրդատվական խորհրդի 1-ին նախարարական նիստի ժամանակ, հաղորդում է
Zinvor.info-ն։
«Ադրբեջանից բնական գազի արտահանումն աճում է։ 2021 թվականին այն կազմել է մոտ 19 մլրդ խմ, անցյալ տարի՝ 22,6 մլրդ խմ։ Իսկ այս տարի ակնկալում ենք 24,5 մլրդ խմ։ Սա նշանակում է, որ Եվրահանձնաժողովի հետ փոխըմբռնման հուշագիրը հաջողությամբ իրականացվում է»,- ընդգծել է պետության ղեկավարը։
Նախագահը նաև ընդգծել է, որ Ադրբեջանն ընդլայնում է գազի մատակարարման աշխարհագրությունը։ «Ինչ վերաբերում է բնական գազին, ես արդեն բազմիցս ասել եմ, որ մենք ունենք բնական գազի պաշարներ, որոնք մեզ և մեր գործընկերներին կբավականացնեն առնվազն 100 տարի»,- հավելել է երկրի ղեկավարը: