Ադրբեջանում հաստատվել է ստանդարտացման ազգային համակարգի միջազգային պահանջներին ներդաշնակեցնելու պետական ծրագիրը
Zinvor.info-յի փոխանցմամբ՝ այս մասին տեղեկությունը զետեղված է Ադրբեջանի նախագահի պաշտոնական կայքում։
Փաստաթուղթը ստորագրվել է ստանդարտացման ազգային համակարգը միջազգային պահանջներին համապատասխանեցնելու, ինչպես նաև Եվրամիության դիրեկտիվների և միջազգային ստանդարտների հիման վրա ազգային տեխնիկական կանոնակարգերի ընդունման նպատակով:
Էկոնոմիկայի նախարարությանը հանձնարարվել է համակարգել պետական սույն ծրագրով նախատեսված միջոցառումների իրականացումը, և տարին մեկ անգամ նախագահին տեղեկացնել դրա իրականացման ընթացքի մասին։
Պետական ծրագրով նախատեսված միջոցառումների իրականացման մշտադիտարկումն ու գնահատումը կիրականացվի Տնտեսական բարեփոխումների և հաղորդակցությունների վերլուծության կենտրոնի կողմից՝ էկոնոմիկայի նախարարության պատվերով։