Ներկայիս Հայաստանի տարածքում ոչնչացվել է 3500 ադրբեջանական հուշարձան

Ներկայիս Հայաստանի տարածքում ոչնչացվել է 3500 ադրբեջանական հուշարձան

13:21 11 01 2023

Հայաստանի ղեկավարությունը մեր ժողովրդի մշակութային ժառանգության նկատմամբ ցեղասպանություն է իրականացրել ոչ միայն Ղարաբաղում և հարակից տարածքներում, այլև Արևմտյան Ադրբեջանում։ Հայաստանի իշխանությունները, նպատակաուղղված վարելով էթնիկ և մշակութային ցեղասպանության քաղաքականություն ժամանակակից Հայաստանի տարածքում՝ փորձում են ջնջել ադրբեջանցիների հետքերը, որոնք այս տարածքների պատմական և հնագույն բնակիչներն են, թալանում, ոչնչացնում, յուրացնում են մեր ժողովրդի մշակութային ժառանգությունը, և փոխելով դրանցից շատերի բովանդակությունը՝ լուրջ վնաս են հասցնում մեր պատմությանն ու մշակույթին։

Ըստ Zinvor.info-յի՝ այս մասին նշված է Ճարտարապետների միջազգային ակադեմիայի մոսկովյան մասնաճյուղի պրոֆեսոր, մշակութային ժառանգության ուսումնասիրության փորձագետ, ԱՀ ԳԱԱ Ա. Բաքիխանովի անվան պատմության ինստիտուտի աշխատակից Ֆաիգ Իսմայիլովի «Զանգեզուրի հուշարձանները զանգվածաբար ոչնչացվում են հայերի կողմից» խորագրով հոդվածում:

Նշվում է, որ բացի այդ, ժամանակակից Հայաստանի ողջ տարածքում հնագույն տեղանունները փոխարինվել են հայկական անուններով։ 1988 թվականին սկսված էթնիկ զտումների արդյունքում հայերը խլել են հարյուրավոր ադրբեջանցիների ունեցվածքն ու մշակութային ժառանգության նմուշները։ Այսօրվա Հայաստանի տարածքում հայերի կողմից ավերվել ու հիմնովին ոչնչացվել են ադրբեջանական ժողովրդին պատկանող 3500 պատմամշակութային հուշարձան, 500 գերեզմանոց, 391 մզկիթ։

Zinvor.info

Հեշթեգներ. Ադրբեջանական-հուշարձան

Նման լուրեր