Zinvor.info-յի փոխանցմամբ՝ Իսպանիայի Ադրբեջանցիների ասոցիացիայի անդամ Մահամադալի Աքպերովի կազմակերպած ցույցի ժամանակ ցուցարարները պահանջել են անհապաղ դադարեցնել Հայաստանի և հայ անջատողականների կողմից օգտակար հանածոների հանքավայրերի անօրինական շահագործումը ռուս խաղաղապահների ժամանակավոր վերահսկողության տակ գտնվող ադրբեջանական տարածքներում։
Ցուցարարներն իրենց համերաշխությունն են հայտնել ադրբեջանցի բնապահպան ակտիվիստներին, ոչ կառավարական կազմակերպությունների ներկայացուցիչներին և կամավորներին, ովքեր Շուշա-Խանքենդի ճանապարհին անդադար ակցիա են իրականացնում՝ պահանջելով վերջ տալ հայկական բնապահպանական տեռորին։