Ըստ
Zinvor.info-յի՝ զեկույցը ներկայացրել է կոմիտեի նախագահ Բահար Մուրադովան։ Նա նշել է, որ 2021 թվականին Ադրբեջանում կարևոր քայլեր են ձեռնարկվել գենդերային հավասարության ապահովման ուղղությամբ։
Բահար Մուրադովան հայտարարել է նաև, որ «Մեծ վերադարձ» նախագծի շրջանակներում նախատեսվում է Ֆիզուլիում և Զանգիլանում ստեղծել ընտանիքի աջակցության կենտրոններ, որոնք ծառայություններ կմատուցեն հայրենի հողեր վերադարձած ընտանիքներին։
Կոմիտեի նախագահի խոսքով, հաշվետու ժամանակահատվածում Ադրբեջանում ավելացել է կանանց ռեսուրսների կենտրոնների թիվը, ընդլայնվել է գենդերային հարցերի համար պատասխանատու անձանց աշխատանքը, իրականացվել են լուսավորչական աշխատանքներ, կազմակերպվել են դասընթացներ գենդերային հավասարություն թեմաներով։ Բահար Մուրադովան դրական է գնահատել կառավարությունում և դատախազության մարմիններում, ինչպես նաև ներքին գործերի նախարարությունում աշխատող կանանց թվի աճը։