Ինչպես հաղորդում է
Zinvor.info-ն՝ վկայակոչելով Azertag-ին, այս մասին հայտարարել է պատգամավոր Նիգար Արփադարային։ «Ներկայումս մենք բախվել ենք մի իրավիճակի, երբ Ֆրանսիան վարում է արտաքին քաղաքականություն, որը չի համապատասխանում նրա իրական հնարավորություններին։ Այս երկրի հավակնությունները չեն համընկնում նրա իրական կշռի հետ, հենց այս պատճառով էլ նա լուրջ սխալներ է թույլ տալիս իր արտաքին քաղաքականության մեջ։ Այսպիսով, որոշակի պայմաններ ստեղծելու համար Ֆրանսիան իր դեմ հանեց ողջ Ադրբեջանը։
Ն.Արփադարային ընդգծել է, որ Ադրբեջանը պետք է վերանայի հարաբերությունները Ֆրանսիայի քաղաքական վերնախավի հետ. «Տնտեսական, քաղաքական և ուղեղային կենտրոնների հետ հարաբերություններում, ինչպես նաև նույն դիրքորոշում ունեցող երկրների հետ հարաբերություններում անհրաժեշտ է գործել պլանավորված և համակարգված»:
Պատգամավորը հայտարարել է, որ այս անհեթեթ և կողմնակալ բանաձևերը լուրջ անհարգալից վերաբերմունք են միջազգային իրավունքի նկատմամբ։ «Ֆրանսիան չի օգնում ո՛չ իրեն, ո՛չ Հայաստանին, ինչ-որ իրավիճակի անվան տակ իր դեմ դնելով ողջ Ադրբեջանին։ Ավելի շուտ դա ցույց է տալիս, որ երկիրը չի ցանկանում խաղաղություն տարածաշրջանում։ Մի բան բացարձակապես պարզ է. Ֆրանսիան միանշանակ բաց թողեց միջնորդ դառնալու և Հարավային Կովկասում խաղաղությանը նպաստելու հնարավորությունը»,- եզրափակել է Ն. Արփադարային: