Ինչպես հաղորդում է
Zinvor.info-ն, այս մասին հայտարարել է Ադրբեջանի արտգործնախարար Ջեյհուն Բայրամովը Մոսկվայում իր ռուս գործընկեր Սերգեյ Լավրովի հետ հանդիպման արդյունքներով կայացած մամուլի ասուլիսում։
«Ադրբեջանն ակտիվորեն վերականգնում է օկուպացիայից ազատագրված տարածքները։ Այս տարվա ընթացքում Ռուսաստանի Դաշնության գործարար պատվիրակությունների բազմաթիվ առաքելություններ են իրականացվել այդ տարածքներ։ Մենք ողջունում ենք ռուսական ընկերությունների մասնակցությունը ազատագրված տարածքների վերականգնմանը»,- ասել է նա։
Նախարարը նշել է, որ այսօրվա հանդիպման ժամանակ առանձին քննարկվել է Հյուսիս-Հարավ նախագիծն առաջ մղելու անհրաժեշտությունը։ «Մենք կարծում ենք, որ այս նախագծի և տարանցիկ երթուղու ներուժը շատ ավելի մեծ է»,- հայտարարել է Բայրամովը։