Ինչպես հաղորդում է Zinvor.info-ն, այս մասին նոյեմբերի 11-ին Սամարղանդում՝ Թուրքական պետությունների կազմակերպության IX գագաթնաժողովում իր ելույթի ժամանակ հայտարարել է Ադրբեջանի նախագահ Իլհամ Ալիևը։

Պետության ղեկավարը նշել է, որ Ադրբեջանը միշտ իր ավանդն է ներդրել թուրքական աշխարհի միավորմանը և կշարունակի հավատարիմ մնալ նրա միասնության սկզբունքներին։

«2009 թվականի Նախչըվանի գագաթնաժողովից ի վեր՝ մեր կազմակերպությունը զարգացման երկար ճանապարհ է անցել: Թուրքական աշխարհն ընդգրկում է հսկայական աշխարհագրություն, որտեղ ապրում է մոտ 200 միլիոն մարդ և ունի հսկայական տնտեսական ներուժ, էներգետիկ ռեսուրսներ, տրանսպորտային ուղիներ և ժամանակակից ռազմական հնարավորություններ», - հայտարարել է նախագահ Իլհամ Ալիևը:

Ադրբեջանի նախագահը նշել է, որ թուրքական աշխարհը մեծ ընտանիք է. «Մենք պետք է շարունակենք փոխադարձ աջակցություն և համերաշխություն ցուցաբերել՝ հաշվի առնելով միմյանց ազգային շահերը։ Քաղաքականության, տնտեսության, առևտրի, մշակույթի, տրանսպորտի, էներգետիկայի, թվային փոխակերպման, գյուղատնտեսության, զբոսաշրջության հետ մեկտեղ՝ մենք պետք է ակտիվացնենք մեր համագործակցությունը այնպիսի ոլորտներում, ինչպիսիք են անվտանգությունը, պաշտպանությունը, պաշտպանական արդյունաբերությունը»։