Ինչպես տեղեկացնում է
Zinvor.info-ն, այս մասին Trend գործակալությանը տված հարցազրույցում ասել է Ադրբեջանի նախագահի օգնական, նախագահի աշխատակազմի ռազմական հարցերով բաժնի պետ, գեներալ-գնդապետ Մահարրամ Ալիևը։
Նա ընդգծել է, որ բանակաշինության գործընթացը գտնվում է երկրի ղեկավարի ուշադրության կենտրոնում:
«Այսօր ադրբեջանական բանակն իր արժանի տեղն է զբաղեցրել աշխարհի զինված ուժերի վարկանիշում, իսկ Հայրենական պատերազմի ժամանակ ադրբեջանցի զինվորականների ցուցաբերած սխրանքը ոսկե տառերով է գրվել պատմության մեջ»,- հավելել է Մահերրամ Ալիևը։ Նրա խոսքով, ադրբեջանական բանակն այսօր էլ գտնվում է լիարժեք մարտական պատրաստության մեջ, քանի որ զգոնությունը չպետք է կորցնել։ «Մենք պատերազմ ենք մղում ոչ միայն հայ զինյալների դեմ, նրանք ունեն բազմաթիվ օգնականներ»,- ասել է Ալիևը։
Նախագահի օգնականն անդրադարձել է նաև երկրի ռազմարդյունաբերական համալիրի զարգացմանն առնչվող հարցերին։ Նա նշել է Ադրբեջանում Թուրքիայի հետ համատեղ արտադրվում են պաշտպանական նշանակության մեծ թվով ապրանքներ և այդ ուղղությամբ աշխատանքներն ընդլայնվում են: