Ինչպես հայտնում է
Zinvor.info-ն, Ադրբեջանի Միլլի Մեջլիսի (խորհրդարանի) այսօրվա լիագումար նիստում քննարկման է ներկայացվել «Նահատակի անունը հավերժացնելու և նահատակների ընտանիքներին տրվող արտոնությունների մասին» օրենքի նախագիծը:
Փաստաթուղթը պատրաստվել է Ադրբեջանի նախագահի 2021 թվականի մայիսի 18-ի «Պետական պարտադիր անձնական ապահովագրության ոլորտում կառավարումը բարելավելու որոշ միջոցառումների մասին» հրամանագրի կատարման կապակցությամբ։ Օրենքի 6-րդ հոդվածում առաջարկվող փոփոխության համաձայն՝ հստակեցվել և ընդլայնվել է այս ուղղությամբ ծախսվող միջոցների աղբյուրների շրջանակը։ Այսպես, այս աղբյուրներին գումարվում է պետական պարտադիր անձնական ապահովագրությունը։
Քննարկումներից հետո օրինագիծն ընդունվել է երրորդ ընթերցմամբ։