Zinvor.info-յի փոխանցմամբ՝ այս մասին Ջաբրայիլում լրագրողներին ասել է Թուրքիայի արտգործնախարար Մևլութ Չավուշօղլուն։
Նրա խոսքով, Հայաստանի և Թուրքիայի հատուկ ներկայացուցիչների հանդիպումները շարունակվում են. «Պրահայում Թուրքիայի նախագահ Ռեջեփ Թայիբ Էրդողանը հանդիպել է Հայաստանի վարչապետ Նիկոլ Փաշինյանի հետ։ Առաջիկայում հատուկ ներկայացուցիչները նույնպես կշարունակեն իրենց շփումները»։
Նախարարն նշել է, որ որոշակի քայլեր են ձեռնարկվել վստահության բարձրացման ուղղությամբ. «Բացվել է օդային տարածքը և սկսվել են ուղիղ թռիչքներ երկու երկրների միջև։ Մենք նման անկեղծ ժեստեր արեցինք։ Մենք միշտ ասում ենք, որ և՛ Ադրբեջանը, և՛ Թուրքիան անկեղծորեն հավատարիմ են հարաբերությունների կարգավորմանը»։