ԵՄ-ն 400 դիտորդ կուղարկի հայ-ադրբեջանական սահման
|
|
Հայաստանի տարածք ուղարկվելիք ԵՄ քաղաքացիական առաքելության կազմում առաջին փուլում կներառվի մոտ 400 դիտորդ:
|
Այս մասին Բրյուսելում լրագրողներին հայտնել է ԵՄ բարձրաստիճան ներկայացուցիչը, փոխանցում է ՏԱՍՍ-ը։
Այսօր Լյուքսեմբուրգում նիստ կանցկացնեն ԵՄ 27 երկրների արտգործնախարարները, որի օրակարգի առանցքում կլինի Ուկրաինայի հակամարտությունը։ Բացի այդ, ակնկալվում է, որ նախարարները կհաստատեն քաղաքացիական առաքելության կազմը՝ որի նպատակն է օգնել ադրբեջանա-հայկական սահմանին առկա խնդիրների լուծման հարցում:
Դիվանագետի խոսքով՝ առաքելության մասին մանրամասներ դեռ չկան։ «Կարող եմ միայն ասել, որ առաջին փուլում կտեղակայվի մոտ 400 դիտորդ»,- ասել է նա՝ ընդգծելով, որ առաջին դիտորդները երկու երկրների սահման կուղարկվեն Վրաստանում ԵՄ առաքելությունից։
Հեշթեգներ.
ԵՄ
Ադրբեջան
Հայաստան