Այս մասին հայտնում է
Zinvor.info-ն՝ ՌԴ ԱԳՆ-ին հղումով։
Հանդիպմանը բացման խոսքով հանդես է եկել ՌԴ ԱԳ նախարար Լավրովը.
"Հարգելի գործընկերներ,
Ուրախ եմ ողջունել ձեզ հյուրընկալ Աստանայում։
Այստեղ միջոցառումներ են անցկացվում տարբեր ուղղություններով։ Սա մեզ թույլ է տալիս միջազգային հանդիպումների «հարթակներում» շփումներ իրականացնել տարածաշրջանային խնդիրների շուրջ, այդ թվում՝ մեր մտերիմ բարեկամների՝ Հայաստանի և Ադրբեջանի միջև հարաբերությունների վերաբերյալ՝ Ռուսաստանի նախագահ Վ.Վ.Պուտինի, Ադրբեջանի նախագահ Ի.Հ.Ալիևի և Հայաստանի վարչապետի միջև՝ 2020 թ. նոյեմբերի 9-ին, 2021 թվականի հունվարի 11-ին և 2021 թվականի նոյեմբերի 26-ին ձեռք բերված պայմանավորվածությունների համատեքստում։ Այս հայտարարությունները, որոնք ստորագրվել են ամենաբարձր մակարդակով, հիմք են դնում՝ Հայաստանի և Ադրբեջանի միջև հարաբերությունների բոլոր ասպեկտների կարգավորման, Հարավային Կովկասում մշտական խաղաղության և կայունության հաստատման համար։
Առանձին թեմա է՝ հաշտության պայմանագրի համաձայնեցումը ի լրումն տնտեսական և տրանսպորտային հաղորդակցությունների ապաշրջափակման, սահմանազատման մասին համաձայնագրերի` Ադրբեջանի և Հայաստանի միջև ռուսական կողմի խորհրդատվական աջակցությամբ երկկողմ հանձնաժողովի ստեղծման միջոցով:
Ժամանակն արագ է ընթանում, իրադարձություններն արագ են զարգանում։ Այս առումով, կարծում եմ, որ այսօր հարմար առիթ է խոսելու այս թեմայի շուրջ և տեսնելու, թե ինչ կարող ենք զեկուցել մեր ղեկավարներին՝ իրենց կողմից ստորագրված համաձայնագրերի կատարման հետ կապված։
Ուրախ եմ այս հնարավորության համար: Վստահ եմ, որ այս հանդիպմանը մենք կկարողանանք ավելի լավ հասկանալ, թե ինչպես կարող ենք առաջ գնալ»։