Zinvor.info-յի փոխանցմամբ, այս մասին հայտարարել է՝ ռազմական փորձագետ, «Ազգային պաշտպանություն» ամսագրի գլխավոր խմբագիր Իգոր Կորոտչենկոն։

Ռուս փորձագետն առաջարկել է պայքարելու մեթոդներ Հայաստանի կողմից Ադրբեջանի դեմ կատարած հանցագործությունների համար։ «Ադրբեջանի դեմ վերջին 30 տարիների ընթացքում հայկական կողմի կատարած բոլոր հանցագործությունները պետք է պատժվեն։ Ես կարծում եմ, որ պետք է սպիտակ գիրք հրապարակվի ՄԱԿ-ի չորս լեզուներով: Պետք է կազմվի պատերազմական հանցագործների և բոլոր հրաման տվողների ցուցակը, պետք է դիմել համապատասխան իրավական կառույցներին՝ տրիբունալ ստեղծելու համար ։ Կամ անհրաժեշտ է սկսել քննչական միջոցառումներ՝ համապատասխան դատավճիռների կայացմամբ և համապատասխան ապացույցների բազայի ներկայացմամբ՝ հետագայում Ինտերպոլի միջոցով հայ ռազմական հանցագործների նկատմամբ միջազգային հետախուզում հայտարարելու նպատակով»,- ասել է քաղաքագետը։

Կորոտչենկոն նշել է, որ Ադրբեջանը պետք է հասկանա, որ ոչ միայն Հայաստանի իշխանությունները, այլև Հայաստանի վարչակարգի հովանավորները կխոչընդոտեն հետաքննությանը: «Համաշխարհային հանրությունը երկերեսանի է և բարձրաձայնում է միայն այն, ինչ ձեռնտու է այս կամ այն ուժային կենտրոներին։ Իզուր է այն ակնկալիքը, որ ԱՄՆ-ից և Ֆրանսիայից ինչ-որ մեկը պատիժ կպահանջի հայ պատերազմական հանցագործներին՝ կատարած արարքների համար, մենք նրանց չենք լսի»։